ბოლო წლებში საქართველოს ხელისუფლებამ დაიწყო უხეში ჩარევა კულტურის სფეროში მისი დამორჩილების მიზნით, შედეგად, არაერთმა კულტურულმა დაწესებულებამ, მათ შორის ფესტივალის ტრადიციულმა ორგანიზატორმა – მწერალთა სახლმა – დაკარგა დამოუკიდებლობა. რამდენადაც შემოქმედებითი პროცესების დამოუკიდებლობის შენარჩუნება, სიტყვისა და გამოხატვის თავისუფლება გადამწყვეტია კულტურასა და ხელოვნებაში, 2024 წელს ფესტივალის ორგანიზატორი  პენ საქართველო გახდა. ფესტივალის მთავარი თემა იყო „პროტესტი ლიტერატურაში და მის მიღმა“, რაც პირდაპირ უკავშირდებოდა ქვეყანაში მიმდინარე საპროტესტო მოძრაობას „რუსული კანონის“ წინააღმდეგ.

ფესტივალის სტურმებს ჰქონდათ შესაძლებლობა შეხვედროდნენ ქართული წარმოშობის ინგლისელ მწერალს, ლეო ვარდიაშვილის, რომლის სადებიუტო რომანსაც დიდი წარმატება ხვდა წილად ბრიტანეთში და მის ფარგლებს გარეთ.