რატი ამაღლობელი (საქართველო)

დაიბადა 1977 წელს, არის ქართველი პოეტი. რატი ამაღლობელი სწავლობდა თბილისის სახელმწიფო უნივერსიტეტის ფილოსოფიის ფაკულტეტზე. 1994 წლიდან მისი ლექსები პერიოდულად ქვეყნდება ქართულ და უცხოურ ლიტერატურულ გამოცემებში. მისი სადებიუტო პოეტური კრებული „ზმნა“ 2000 წელს გამოვიდა და ქვეყნის მასშტაბით დიდი წარმატება ხვდა წილად. რატი ცნობილია თავისი ცოცხალი შესრულებებით, რამაც იგი თანამედროვე ქართული პოეზიის ნამდვილ ვარსკვლავად და სხვადასხვა საერთაშორისო ლიტერატურული ფესტივალის სასურველ სტუმრად აქცია. 2005–2010 წლებში ამაღლობელი იყო საქართველოს საზოგადოებრივი მაუწყებლის რადიოს ლიტერატურული გადაცემის „ხმების ისტორია“ წამყვანი. მოგვიანებით მუშაობდა პოპულარული ჟურნალის „ცხელი შოკოლადის“ რედაქტორად და 2011 წლიდან არის საქართველოს პენ-ცენტრის პრეზიდენტი. რატი ამაღლობელი რეგულარულად, ყოველკვირეულად მართავს საჯარო ლექციებს პოეზიის შესახებ „წიგნის სახლში“ და მკითხველს ხშირად სთავაზობს ექსპერიმენტულ პოეტურ ვარიაციებს — კერძოდ, ის თანამშრომლობდა პროდიუსერებსა და მუსიკოსებთან და შექმნა თავისი პოეზიისა და ელექტრონული მუსიკის წარმატებული სინთეზის პროექტები. მიუხედავად ახალგაზრდა ასაკისა, ავტორის პოეზია თითქოს ეწინააღმდეგება მიმდინარე ტენდენციებს. მისი შემოქმედება ხასიათდება ისეთი აღმოსავლური ელემენტებით, როგორიცაა მუსიკალურობა და სიყვარულის, რწმენისა და სულიერების ძიება. ის მუდმივად რითმავს თავის ლექსებში და მონდომებით ეთამაშება სონეტისა და ლექსების სხვა ფორმების წესებს. ის ასევე არ ერიდება არქაული სიტყვების გამოყენებას, რომლებიც იდეალურად არის ჰარმონიზებული ზოგიერთ ძალზე თანამედროვე საკითხთან. დღესდღეობით რატი ამაღლობელი ითვლება პოეტების ქართული პოდიუმის ერთ-ერთ ყველაზე ენერგიულ ავტორად. ამაღლობელის ლექსები გამოქვეყნებულია რამდენიმე ქვეყანაში, მათ შორისაა: ქართველი პოეტების ანთოლოგია — Arc Publication 2016, დიდი ბრიტანეთი; ქართული პოეზიის ანთოლოგია საუკუნეების მანძილზე — Pop Verlag, 2015, გერმანია.

ბიბლიოგრაფია

• ლექსები, გამომცემლობა „პალიტრა L“, 2011

• წრე, გამომცემლობა „სიესტა“, 2006

• თუ, გამომცემლობა „საარი“, 2003

• ზმნა, გამომცემლობა „აზრი“, 2000

ლიტერატურული პრემიები და ჯილდოები

• ლიტერატურული პრემია „საბა“ 2006 წლის საუკეთესო პოეზიისთვის კრებულისთვის „წრე“