ვერა პავლოვა

პოეტი. რუსულენოვანი ამერიკელი პოეტი ვერა პავლოვა ოცამდე
პოეტური კრებულის ავტორია; პირველად 24 წლისა იყო,
როცა ყოველთვიურ ლიტერატურულ ჟურნალ „იუნოსტში“
ლექსები გამოაქვეყნა. ვერა პავლოვას პოპულარობა და
აღიარება გაზეთ „სეგოდნიას“ ჩანართში დაბეჭდილმა
ლექსებმა მოუტანა. ვერა პავლოვას სულ ლექსების 18
კრებული აქვს გამოცემული. სხვადასხვა წელს მისი
რამდენიმე პოეტური კრებული - „Вездесь“ (2003), „Руч-
ная кладь“ (2006), „Письма в соседнюю комнату“ (2006)
ნომინირებული იყო, როგორც წლის საუკეთესო წიგნები.
მისი ლექსები მსოფლიოს 22 ენაზეა ნათარგმნი და
ქვეყნდება ისეთ აღიარებულ ჟურნალებში, როგორიცაა
„ნიუ-იორკერი“
პოეტი ბევრი საერთაშორისო ფესტივალის მონაწილეა.
ვერა პავლოვამ ახლახან გამოსცა წიგნი, სადაც შესულია
მისი ხელნაწერი 1001 ლექსი, ხოლო ილუსტრაციები
პოეტის 4 წლის ქალიშვილს ეკუთვნის.
ვერა პავლოვას მონაწილეობას თბილისის
საერთაშორისო ლიტერატურულ ფესტივალში მხარს უჭერს
აშშ-ს საელჩო საქართველოში.
 
 
 
* * *
ნაოჭებმა ტუჩებთან
პირი ჩასვეს ფრჩხილებში
ნაოჭებმა თვალებთან
მზერა ჩასვეს ბრჭყალებში
გადახაზეს ნაოჭებმა
ის რაც შუბლზე ეწერა
ნაოჭები ყელზე კი
ჭაღარაა პატარძლის
/ რუსულიდან თარგმნა შოთა იათაშვილმა /
 
 
* * *
რად არის სიტყვა კი ასე მოკლე?
ის უნდა იყოს
ყველაზე გრძელი,
ყველაზე რთული,
რომ მისი წარმოთქმა მყისვე ვერ გაბედო,
რომ, გონზე მოსული, სიტყვის შუაშივე
დადუმდე...
 
რუსულიდან თარგმნა ვასილ გულეურმა