მელანია მაცუკო



2019-04-20


მელანია მაცუკო

მელანია გ. მაცუკო დაიბადა რომში 1966 წელს. მისი სადებიუტო რომანი Il bacio della Medusa („მედუზას კოცნა“) 1996 წელს გამოიცა. ავტორის რომანმა „ვიტა“ (2003) იტალიის ყველაზე მნიშვნელოვანი ლიტერატურული პრემია Strega მიიღო. ესპანეთში „ვიტამ“ მწერალს „არქიეპისკოპოს ხუან დე სან კლემენტის საერთაშორისო პრემია“ მოუტანა 2004-2005 წლწბის საუკეთესო უცხოენოვანი რომანისთვის. 2005 წელს რომანი ასევე გახდა Globe & Mail-ის წლის წიგნი, New York Times Book Review-ს რედაქტორთა რჩეული და ერთადერთი უცხოენოვანი წიგნი Publishers Weekly-ს წლის ათ რჩეულ რომანს შორის.

ავტორის რომანის Un giorno perfetto („სრულყოფილი დღე“, გამომც. Premio Roma, 2005) მიხედვით რეჟისორმა ფერნან ოზპეტეკმა იმავე სახელწოდების ფილმი გადაიღო.

მაცუკომ 2011 წელს Viareggio Tobino-ს ლიტერატურული პრემია მიიღო, როგორც წლის მწერალმა, ასევე ვიტორიო დე სიკას სახელობის ჯილდო ლიტერატურაში, 2013 წელს კი გადაეხა იგნაციო სილონეს პრემია და ბოსკონის უნივერსიტეტის „ოქროს დანტე“.

მელანიას წიგნები გამოცემულია 27 ქვეყანაში. ავტორს ეკუთვნის ასევე მრავალი პრემირებული კინო, თეატრალური და რადიო ნაწარმოები. წერს სტატიებს, რეპორტაჟებს და მოთხრობებს ჟურნალებისთვის la Repubblica (to which she constantly contributes), Il Sole 24 OreCorriere della Serail manifestoIl MessaggeroNuovi Argomenti. მელანიას ხშირად იწვევენ კონფერენციებისა და ლექსიების ჩასატარებლად დიდ უნივერსიტეტებში იტალიაში და საზღვარგარეთ. 

 

ვიტა

 (ნაწყვეტი)

 

ადამიანები ერთმანეთს ეძებენ, ათეულობით ენაზე ისმის გადაძახილები: უცხო, მჭახე, ყრუ, მჟღერ ენებზე. ყველას ვიღაც ელის, ვიღაცამ მოაკითხა ნავსადგურში, ყველას ფურცელზე დაჯღაბნილი მისამართი აქვს ჩაბღუჯული: მშობლის, ნათესავის, თანასოფლელის, ფირმის სახელებით. უმრავლესობას სამუშაო ელოდება ამერიკაში, მაგრამ ამას არავინ აღიარებს. ასეა საჭირო. მეორე,
რაც დიამანტემ გააკეთა ამერიკაში, იმ ამბის მოყოლა იყო. არც ეს ექნა იქამდე. არასოდეს. მოიტყუა.
ასე ხდება. „ელის აილენდზე“ ამერიკელები დაკითხვას გიწყობენ. თარჯიმანი, ქლესა ტიპი, რომელმაც თავისივე თანამემამულეებისთვის საქმის გაფუჭებით გაიკეთა კარიერა, გაფრთხილებს, რომ სიმართლე უნდა თქვა, მხოლოდ სიმართლე, რადგან ამერიკაში ტყუილი ყველაზე დიდი ცოდვაა, ქურდობაზე უარესი. მაგრამ, სამწუხაროდ, სიმართლე არავის სჭირდება, არც მათ და არც შენ. ამიტომ მაგას ნუ უსმენ და
 ის უთხარი, რაც მომზადებული გაქვს. შენ დაიჯერე და ისინიც დაგიჯერებენ. თვალებში შეხედე და დაიფიცე. ვფიცავ, რომ მუშაობას არ ვაპირებ (აპირებს, ძია ანიელო კლივლენდში აგზავნის, რკინიგზაზე სამუშაოდ); ვფიცავ, რომ ბიძაჩემი მარჩენს ნევორკოში ყოფნისას (ეს მაინც საოცარი ტყუილია. ანიელო უფრო უჭერს ხელს ფულს, ვიდრე ცხვარი – პროჭს). მაგრამ კომისიას განსჯით თავი არ შეუწუხებია, ეჩქარებოდა: კიდევ ოთხიათას ხუთასი ადამიანი უნდა დაეკითხა, ბიბლიური მკალივით რომ შესეოდა ამერიკას მისი ჩამოსვლის დღეს. მოხელეები გასავათებულები იყვნენ და მითითება ჰქონდათ მიღებული, რაღაცეებზე თვალი დაეხუჭათ. სანახევროდ ისმენდნენ პასუხებს. იმანაც, შარვალი აიწია და უსინდისოდ მოატყუა ამერიკელები.

იტალიურიდან თარგმნა ხათუნა ცხადაძემ